Сектар інавацыйных праектаў і стартапаў – структурнае падраздзяленне ўстановы адукацыі «Гродзенскі дзяржаўны ўніверсітэт імя Янкі Купалы».

Місія – прадастаўленне паслуг па падтрымцы трансферу тэхналогій і развіццю інавацыйнай дзейнасці і прадпрымальніцтва, рэалізуючы стратэгію інавацыйнага развіцця.

Мэты:

• Развіваць супрацоўніцтва распрацоўшчыкаў, інвестараў, вытворцаў і спажыўцоў навукаёмістай прадукцыі (прадуктаў, тэхналогій, паслуг).

• Садзейнічаць камерцыялізацыі вынікаў навукова-даследчай, вопытна-канструктарскай і інавацыйнай дзейнасці.

• Спрыяць развіццю прадпрымальніцтва і інавацыйнага бізнесу.

Кірункі дзейнасці:

Трансфер тэхналогій

Садзейнічанне перадачы тэхналогій, ведаў, навыкаў, метадаў у сферу вытворчасці і сферу аказання паслуг паміж універсітэтамі, прадпрыемствамі і іншымі арганізацыямі і забеспячэнне даступнасці навуковых і тэхналагічных распрацовак больш шырокаму колу спажыўцоў для іх далейшага развіцця і прымянення ў новых прадуктах, працэсах, прыкладаннях, матэрыялах або паслугах:

• Калі патрэбна пэўная тэхналогія ці інавацыя для развіцця вашага бізнесу або бізнес-прыкладання для вашай тэхналогіі, мы можам дапамагчы.

• Мы можам дапамагчы знайсці неабходную тэхналогію, знайсці адрасата вашай тэхналогіі, пракансультаваць па пытаннях трансферу тэхналогій, ахове інтэлектуальнай уласнасці і іншых звязаных пытаннях.

Кансалтынг па пытаннях фінансавання інавацыйнай дзейнасці

• Мы кансультуем па пошуку крыніц фінансавання інавацыйнай дзейнасці: інавацыйныя праекты ў рамках дзяржаўных і рэгіянальных праграм, інавацыйных фондаў, праграмы Еўрапейскага Саюза і г. д.

Пошук партнёраў

Мы дапамагаем кампаніям і даследчым арганізацыям у пошуку надзейных партнёраў у Рэспубліцы Беларусь і за мяжой для:

• распрацоўкі і ўкаранення інавацый;

• камерцыялізацыі і перадачы новых тэхналогій;

• міжнародных даследчых, тэхналагічных і інавацыйных праектаў.

Суправаджэнне рэгіянальнай навукова-тэхнічнай праграмы Гродзенскай вобласці «Устойлівае інавацыйнае развіццё Гродзенскай вобласці»

Асноўнай мэтай праграмы з'яўляецца інтэграцыя рэсурсаў і суб'ектаў навукі, прамысловасці і сацыяльнага сектара для навукова-тэхнічнага забеспячэння сацыяльна-эканамічнага развіцця Гродзенскай вобласці на 2016 – 2020 гады і эфектыўнага выкарыстання наяўных рэсурсаў для дасягнення ўстойлівага сацыяльна-эканамічнага развіцця Гродзенскай вобласці праз укараненне новых тэхналогій, мадэрнізацыю і тэхнічнае пераўзбраенне дзеючых, перш за ўсё на аснове ўкаранення навукаёмістых, рэсурса- і энергазберагальных і экалагічна чыстых тэхналогій, і дасягнення істотнага прагрэсу ў прамысловай і сельскагаспадарчай сферах.

Развіццё кампетэнцый для інавацыйнай дзейнасці

• Прадастаўляем паслугі кансультавання, менторства і навучання з мэтай развіцця навыкаў і ўдасканалення кампетэнцый у распрацоўцы інавацый.

Прасоўванне інавацый

Мы садзейнічаем прасоўванню інавацый праз правядзенне семінараў, публікацый метадычных і аналітычных матэрыялаў, арганізацыі выставак і конкурсаў інавацыйных праектаў. Удзельнічаем у рэалізацыі праектаў па тэматыцы развіцця інавацыйнай дзейнасці, інавацыйнага прадпрымальніцтва і павышэння інвестыцыйнай прывабнасці.